Í morgun, fimmtudaginn 13.mai 2010 þegar við fjárbændur í Bjarnarey huguðum að sauðburði í Eynni tókum við eftir nýlegu hruni austast á nyrðri Hafnarbrekkunefinu neðan við neðri lundaveiðistaðinn. Hrun þetta er smávægilegt miðað við fyrra hrun en samt þó nokkuð í venjulegum samanburði.
Texti og myndir:Halli Geir.
|
|
Gríðarlegt hrun átti sér stað í Bjarnarey í nótt, þriðjudaginn 11.mai. Nyrsti hluti Réttarhaussins er hruninn. Haraldur Sverrisson trillukarl var á leið í róður á t/b Sporði um kl.04:00 í morgun þegar hann sá hvar spildan féll niður með tilheyrandi rykmekki og boðaföllum. Er þetta þriðja hrunið í Bjarnarey á þriggja vikna tímabili.
Svo virðist sem efri staðurinn í Hafnarbrekkunni hafi sloppið en allt þar fyrir ofan er horfið. Líklegt má telja að u.þ.b 25-30 metra djúp skák sé farin á ca. 50 metra löngu svæði efst í Réttarhausnum þar sem lundabyggðin náði út á brún.
Brekahellir virðist vera hruninn . Þá hefur hábrúnina alveg tekið af .
Líklegt má telja að hafaldan hreinsi grúsið í burtu með tímanum en ljóst er að þúsindir tonna af móbergi hefur losnað í hamförum þessum.
Mynd tekin frá vestri til lausturs. Þar sem maður áður sá í gegnum gatið er allur hryggurinn hruninn niður.
Þessi mynd er tekin eftir fyrra hrunið úr lofti Brekahellis.
Inns. texti og myndir: Halli Geir.
|
|
|
Hrun úr lofti Brekahellis norðan í Bjarnarey. |
Seinnipartinn Þriðjudaginn 4.mai tóku sjófarendur eftir því að töluvert hrun hefði átt sér stað úr lofti Brekahellis, sem staðsettur er norðanundir nyrðri Hafnarbrekku.(Merktur nr. 21 í örnefnaskrá, Bjarnarey að austanverðu.,sjá um Bjarnarey) U.þ.b. viku áður hafði átt sér stað lítilsháttar hrun úr neðsta Vatnsbring upp af Hvannhillupolli norðan í Bjarnarey.. Hvort að hrun þessi tengist jarðhræringum er ekki vitað.
Mynd tekin frá austri til vesturs. Brekaflá til hægri .
Þarna fyrir innan var áður malarfjara
Mynd tekin frá vestri til austurs
Nýlegt hrun á Hvannhillu fyrir ca. 10 dögum síðan.
Texti og myndir:Halli Geir.
|
|
|
Vorþankar Sigfúsar J Johnsen 1955 |
Setti inn skemmtilega grein í svæðið ýmislegt frá frænda mínum Sigfúsi J Johnsen vorið árið 1955 um ferð í Súlnasker en greinin birtist í Blik sama ár.
Innsetn. Halli Geir.
|
|
|
Kíkt á framkvæmdir í Landeyjahöfn. |
Laugardaginn 13. mars eftir viðkomu í Bjarnarey þar sem við tókum niður ferðaeldhúsið settum við kúrsinn á Landeyjahöfn og vorum komin þangað um kl. 17:30 eftir 12 mín. siglingu. Við renndum Glóra upp í fjöru (sjá mynd) og gengum síðan um svæðið.
Búið er að steypa upp grunninn að farþegaafgreiðslunni. Það kom okkur á óvart hversu lítil sú bygging á að vera en skv. teikningu á byggingin að vera 269.2m2 sem sundurliðast þannig:N.hæð 191.5m2, og efri hæð 77.7m2. Þá er ekki talið með óupphitað andyri upp á 56.7m2. Í biðsal farþega á efri hæð er gert ráð fyrir 51 sæti og 76 sætum í sal á neðri hæð, samtals 127.
Klárlega eru til þess bærir aðilar búnir að reikna það út að hýbýli þessi anni þeim fjölda farþega sem um þau muni fara við normal aðstæður. Ég tel hins vegar og ég veit að það eru fleiri um þá skoðun, dreg það stórlega í efa að á álagstímum og við frátafir, sé þarþegaaðstaðan fullnægjandi. Ég hef áhyggjur af því þegar þær aðstæður skapast (en þá geta farið saman mikil traffík og slæmt veður) að ekki er fyrir hendi boðlegt rými innanhús fyir ferðalanga. Vonandi er að smásálarháttur hafi ekki ráðið för við ákvarðanatöku um stærð og nýtingu þessara mannvirkja. Ef svo er mun það strax koma í bakið á okkur og gæti haft alvarlegar afleiðingar í för með sér.. Það skyldi hafa það í huga að ekki er í önnur hús að venda á svæðinu , þar sem næsta byggða ból er í margra km fjarlægð.
Kannski verðum við í bókstaflegri merkingu að nota strútslagið á þetta. Það skortir allavega ekki sandinn!!!!!
Neðri hæð farþegaafgreiðslunnar. Þar eru sæti fyrir 76 farþega.
Efri hæð farþegaafgreiðslunnar. Þar eru sæti fyrir 51 farþega.
Séð inn á byggingarsvæðið. Þar er auk grunnsins fyrir farþegaafgreiðsluna verið að steypa undirstöður fyrir ferjubryggjuna.
Séð út um hafnarmynnið. Búið er að reka niður nokkra staura við eystri hafnargarðshausinn. Eins og sjá má örlar varla við stein. Hins vegar er nokkuð líflegra á næstu mynd sem tekin er úr þyrlu landhelgisgæslunnar fimmtudaginn 18.mars kl.10:39. Þá var ölduhæðin 2,8m á Bakkafjöruduflinu.
Athyglisvert er og kemur mér á óvart hve mikil ókyrrð virðist vera innan garðanna. Svo er að sjá að aldan komi óbrotin inn á milli garðanna og brotni svo innan hafnar á grynningum rétt innan við enda hausanna.Að mínu mati virðist ljóst en ég vona að ég hafi rangt fyrir mér, að hafaldan geti gengið óbrotin inn innsiglingarrennuna og upp í fjöru innan hafnar.
Texti og myndir: Halli Geir.
|
|
|
Undirbúningur v/fyrirhugaðrar vinnuhelgar hafinn. |
Laugardaginn 13. mars eftir hádegið, fórum við undirritaður, Þór Engla og Ragnar,(málari á sjúkrahúsinu) út í Eyju til þess að setja vatnið undir og losa niður ferðaeldhúsinnréttinguna. Sveinn Davíð skutlaði okkur út á Glóra og náði svo í okkur um kl.17:00.
Þór Engla og Ragnar á leið upp Hvannhillu. Davíð og Drífa á Glóra í baksýn.
Texti og myndir:Halli Geir.
|
|
|
Slátrun á fé úr Bjarnarey |
Slátrun á sauðfé úr Bjarnarey fór fram laugardaginn 17.október 2009. Féð hafði þá gengið í heimahaga suður í Sæfellskinn frá því 3.október. Felld voru 83 lömb. Meðfylgjandi myndir eru frá slátruninni sem fór fram í hinu stórgóða húsnæði Gauja Rögg við Flatir. Fleiri myndir eru inni á myndaalbúminu okkar.
Það var fleiru en búfé slátrað úr Bjarnarey. Árni Nínon búinn að afgreiða restina af kalkúnunum.
Fláningsmennirnir Haukur Hauks og Ágúst Halldórsson.
Hluti sláturgengisins.
Innsetn. texti og myndir. Halli Geir 2009.
|
|
|
|
<< Byrja < Fyrri 1 2 3 4 5 6 Næsta > Síðasta >>
|
| Niðurstöður 14 - 26 af 76 |
