|
| |
 |
|
|
|
Heimsóknir |
|
Gestir: 3332267
|
|
|
Verið velkomin á heimasíðu Veiðifélags Bjarnareyinga. Félagið mynda rúmlega 30 einstaklingar sem hafa það helst að markmiði sínu að veiða lunda, síga eftir eggjum fýls og svartfugls og njóta þess að vera til á fallegasta stað veraldar. Í því markmiði leigjum við af Vestmannaeyjabæ Bjarnarey, hrikalegustu en um leið fallegustu úteyjuna.Þar eigum við ágætis skála sem í daglegu tali er kallaður BÓLIÐ. Tilgangurinn með heimasíðunni er að safna saman á einn stað, upplýsingum um Bjarnarey. Halda til haga sögulegum fróðleik og munnmælum um menn og málefni sem annars myndi týnast. Þá mun þessi vettvangur verða félagslegur fundarstaður okkar á netinu. Það er von okkar að með tímanum náum við að safna saman umtalsverðu magni af upplýsingum sem flestum til gagns og gamans.
|
|
SULA: The seabirds hunters of LEWIS |
Góðvinur minn og okkar Bjarnareyinga til marga ára, Stewart Smith sendi mér nú i haust bók sem hann rakst á og taldi að við hefðum áhuga á. Bókin segir frá árlegum leiðangri 10 manna í "súlubyggð sem staðsett er á "eyjunni" Sula Sgeir (en Gaeliska nafnið þýðir: Súlu klettur.) Skv. því mætti segja að mitt nafn Halli Geir leggðist þá út sem "Halli klettur". Eyja þessi tilheyrir Eyjunni LEWIS þar sem nýlega fundust fornir taflmenn og er nálægt 37 mílum fyrir norðan hana en allt svæðið er í the Outer Hebrides, sem er Eyjaklasi vestur af Skotlandi. Eyjan er klettótt um 1.5 míla á lengd , 100-200m á breidd og víðast hvar þverhnípt í sjó milli 60 og 70m há.Þess má geta að St. Kilda er vestan við isle of LEWIS.
Ég læt fylgja með inngang á ensku eftir Brian Jackman.
Sami hópur manna frá Lewis Island hefur haldið uppi hefðinni mann fram af manni og varðveitt um leið þá menningararfleið sem víða er að leggjast af hjá afkomendum frumbyggja vegna viðlvæmni nútimamannsins sem veit ekki hvað er að draga björg í bú, enda fær hann góðgætið tilbúið í pottinn í stórmörkuðunum. Því miður eru viðhorf þessa fólks til hefðbundinna veiðiaðferða sérlega neikvæð og þjóna þeim eina tilgangi að fá viðkomandi yfirvöld til að banna hefðbundnar veiðar og veiðiaðferðir. Það hefur síðan í för með sér að jaðarbyggðir leggjast í eyði. Svo virðist sem þessir sjálfskipuðu verndarsinnar sem ég efast um að hafi hægðir út um rassgatið,virðast greinilega ekki hafa áttað sig á því að nytjar á þessum fuglum hafa staðið öldum saman. Veiðimennirnir eru fyrir löngu búnir að finna taktinn í þessu og vita upp á hár hversu mikið má veiða svo nýliðun verði nægileg og þar með viðgangur stofnsins í lagi . Þegar þessi ferð var farin árið 1991 máttu leiðangursmenn skv. samningi við yfirvöld, taka 2000 unga en talið er að í Eynni séu 30.000 súlupör og um 15000 fýlapör. Í Dag standa þessir menn í stríði við friðunarsinna sem telja veiðarnar ómannúðlegar og ónauðsynlegar.
Til samanburðar má geta þess að í Eldey eru talin verpa 16-18000 pör og í Súlnaskeri 2-3000 pör. Í Súlnasker hafa hin seinni ár verið sóttir u.þ.b 4-700 ungar árlega. Þrátt fyrir það virðist súlunni fara fjölgandi í Súlnaskeri sem merkja má á því að efri-súlubreiðan er farin að teygja sig norður yfir ásinn. Aðalástæðuna fyrir því að lítil hætta er á að ganga of nálægt súlustofninum ef hann á annaðborð hefur nóg æti, er að Súlan byrjar að verpa svo snemma og er svo lengi að, eða frá byrjun apríl fram í Júlí. Þar af leiðir eru margir ungar flognir þegar Eyjan er aðsótt eftir miðjan Júlí og margir nýskriðnir úr eggi en unginn er ekki talinn fullgerður fyrr en hann er orðinn næstum dúnlaus og brúnn á litinn. Það sama gæti ég trúað að sé upp á teningnum í öðrum súluvörpum.
Fleiri myndir úr bókinni er ég að setja inn á linkinn: Ýmislegt hérna til hliðar.
Texti / myndir. Halli Geir.
|
|
|
Smölun í Bjarnarey, miðvikudaginn 05.okt. 2011. |
Fjárrbændur í Bjarnarey sóttu lömb sín úr eynni sl. miðvikudag. Vaninn er þó sá að fara um helgi en þar sem ekki hafði gefið um nokkrar síðustu var ákveðið að taka fyrsta virkan dag þegar leiði væri. Féð kom nokkuð vænt af fjalli, allavega betra en í fyrra að okkar mati. Smölunin gengur þannig fyrir sig að hópur manna fer með brúnum Eyjarinnar og rekur féð upp og inn á sléttlendið. Síðan er féð rekið suður Hagaskorulágar, austur Dauðadal og norður og niður Syðri-Hafnarbrekku þar sem réttinni er fyrirkomið um það bil 30 metrum fyrir ofan sjávarmál. Þegar fullorðnafénu hefur verið hleypt út eru lömbin handlönguð niður á "Steðjann" en svo nefnist staðurinn þar sem tekið er land í Eynni. Þar eru þau sett um borð í slöngubát(tuðru) sem flytur þau að flotbryggju við síðu Lóðsins.
Eftirfarandi myndir eru teknar við þetta tækifæri af hinum vaska hópi sem fékkst við verkefnið.
Myndin tekin ofan af suðurbringjum , synir féð renna suður Hagaskorulágar. Árnakoppur og bólið í bakgrunni.
Féð komið í réttina og beðið eftir að Lóðsinn komi. Síðan er það handlangað niður á steðja.
Magni og Stjáni voru betri en engir og unnu verk sitt ötullega þó svo motorinn væri brokkgengur.
Um borð í Lóðsinum var Bergur Kristinsson kafteinn og Garðar Garðarsson vélstjóri ásamt þeim Sigurði Guðmundssyni og Gunnari Árnasyni í Lukku.
Lóðsinn kominn í land með féð um það bil 90 lömb. Þau voru síðan sett í girðingu suður í Sæfells kinn þar sem þau verða á beit í 10-15 daga.
Texti og myndir: Halli Geir.
|
|
|
Yfir ölduna" tuðran" flýgur!, Glóri 2 til sölu. |
Hér koma nokkrar ljósmyndir af Glóra 2, sem er til sölu(tilboð) en hann er af gerðinni Avon Searider harðbotna slöngubátur. Hann er 5,40metrar á lengd ætlaður fyrir 10 farþega. Á bátnum er 80hp Selva portofino tvígengismótor árg.2004 sem þeytir honum tæpar 40 mílur. Eins og vonandi sést á myndunum sem flestar eru teknar í innsiglingunni við Vestmannaeyjar, er þetta alvöru græja og vel með farin en sjón er sögu ríkari.Nánari upplýsingar gefur Halli í s-8932150.
.
Yfir ölduna tuðran flýgur eins og segir í ljóðinu. Glóri á flugi með kúrsinn á Bjarnarey á leið yfir Beinakelduna austan við Ystaklett.
Á þokkalegri siglingu á leið til hafnar.
Bátar af þessari gerð þykja sérlega vel heppnaðir enda viðurkenndir sem björgunartæki víða um heim. Á planinu virkar hann mjög léttur á bárunni og ryður skemmtilega frá sér þótt keyrt sé grimmt í úfnum sjó. Fleiri myndir verða settar inn næstu daga.
Eins og greint hefur verið frá er vélin árg. 2004 ónotuð sl,. tvö ár.. Ný upptekið drif og nýlegur startari. Ónotuð skrúfa fylgir með.
Með bátnum fylgir vönduð sérsmíðuð kerra á tveimur hásingum með flexitor fjöðrun. Þá er á henni nýtt ljósabretti og spilvinda .
Í Bátnum er nýlegur rafgeymir, hífibönd og festingar. Ljóskastari á gálga. Tvær árar. Í mælaborði er voltmælir, mílumælir og snúningshraðamælir. Þá er nýr stýris, bensín og gírbarki.
Myndir Pétur og Halli
Texti og inns. Halli Geir.
|
|
|
Svartfuglinn að baksa við varpið 7.júní 2011 |
Tvær meðfylgjandi myndir teknar í Bjarnarey 7.júní sýna að svartfuglinn eða amk. hluti hans er að verpa þó seint sé.
Hrútaskorunef vestan í Bjarnarey.
Af þessum u.þ.b. 60 fuglum sem sýnilegir eru á þessari mynd, lágu á bilinu 12-15 á eggjum.Fróðlegt verður að fylgjast með framvindunni en að mínu mati vantar ekki marga fugla á þetta vistsvæði eins og það er í eðlilegu árferði.
Þessi mynd er tekin föstudaginn 23 júní sautján dögum seinna en fyrri mynd. Svo er að sjá sem að svartfuglinn sé fullorpinn en ég taldi amk. 70 fugla sem sneru að berginu og þá líklegast á eggi í samanburði við 10-15 7.júní.
Þá mjakast þetta áfram með veröndina mína.
Svo ein mynd af framkvæmdum við veröndina. Allt komið á fullt sving og ekkert annað að gera en að spúla dekkið og setja hrygg í málið eins og" einn góður" er vanur að segja.
Inns. Texti og myndir: Halli Geir.
|
|
|
Eggjataka og vinnuhelgi 18-22 mai 2011 |
|
Sælir félagar og gleðilegt sumar loksins en þennan veturinn hefur það ekki gerst áður svo ég muni, að ekki hafi verið hægt að kíkja út í Eyju einhvern tíma frá því eftir áramót og fram í apríl vegna ótíðar. Sem betur fer birtir öll él upp um síðir þó svo við fengjum smá öskugusu frá Grímsvatnagosinu. Sauðburður hófst í Bjarnarey í endaðan apríl og virðist koma vel út með nýju hrútunum af Ströndum. Því miður voraði ekki eins vel hjá lundanum ritunni og svartfuglinum og greinilegt að lítið sem ekkert æti er hér á heimaslóð. Sem dæmi þá fundum við aðeins tvö svartfuglsegg austur í Skoru fimmtudaginn 19.mai þar sem hefðu átt að vera u.þ.b. 300 á sama stað og tíma. Stewart Smith svartfuglaeggjasafnari vinur okkar frá Englandi sem heimsótt hefur okkur árlega frá því árið 2000 með einni undantekningu þó, náði ekki einu einasta svartfuglseggi. Það var þó sárabót fyrir hann að ég fór með hann í Teistuhelli þar sem við fundum tvö teistuegg.
Fram að þessu hefur varla sést fugl í bjarginu en í gær 30.mai átti ég erindi út að Bjarnarey og þá loksins var nokkuð líflegt í berginu. Fróðlegt verður að fylgjast með hvort svartfuglinn verpi héðan af. Þá sást einnig nokkuð af lunda á sjónum kringum Eynna. Fýllinn virðist plumma sig ágætlega en ég var rétt áðan að gúffa í mig þremur soðnum eggjum,,dásamlegt!!
"Besti" hluti B vaktar slökkviliðsins af höfðuborgarsvæðinu ábúðarmikill á svipinn ásamt félaga okkar Lofti Þór Einarssyni.
Efri röð frá vinstri: Ingólfur Ólafsson, Eyþór Leifsson, Ari Hauksson, Jörgen Valdimarsson, Sigurður "Siddi" Sigurðsson,
Miðja: Guðmundur Guðjónsson, Sigurður Arnar Jónsson, Ragnar Guðmundsson, Loftur Þór Einarsson,
Neðsta: Darri Þorsteinsson, Davíð Friðjónsson.
Af málefnum félagsins er það að segja að þeir hörðustu létu ekki deigan síga og skelltu sér í Eynna fyrrnefnda helgi og nutu lífsins í starfi og leik. B vakt slökkvlliðsins var heldur ekki handónýt og tóku hressilega til hendinni við nýsmíðar og viðhald. Eiga þeir þakkir skildar fyrir framlag sitt. Af framkvæmdum er það að segja að nokkra metra vantar upp á að ljúka lagningu dregaranna en efniviður var á þrotum. Annars er allt efni til verandarsmíðanna komið út og aðeins spurning um vinnuframlag hver framvindan verður. Nýjum opnanlegum glugga var komið fyrir á nýja baðinu en glerið er í pöntun.
Segjum þetta gott að sinni.
Inns. texti og myndir: Halli Geir.
|
|
Var að gramsa í gömlum myndum þegar ég rakst á þessar tvær sem eru teknar í bílskúrnum á Saltabergi 25.Júlí 2002 þegar allt lék í lyndi hjá okkur lundaköllum.
Pétur matarlegur á svipinn með lundabringurnar.
Gísli, Halli og Gummi vígalegir að lokinni hamflettingu.
Innsetn. mynda og texti:
Halli Geir.
|
|
|
Ljósmyndir úr Bjarnarey teknar fyrir rúmum 50 árum síðan |
Alfreð Óskar Alfreðsson, vosi, kom að máli við mig og kvaðst hafa verið að gramsa í gömlu dóti og þá rekist á þessar myndir sem hann tók sjálfur út í Bjarnarey, sennilega sumarið 1956 eða 7. en hann hefur þá verið nýfermdur.
Á þessari mynd eru frá vinstri: Lárus Árnason(Lalli á Búastöðum) Sigfús Johnsen(Siffi). Ef einhver þekkir þann næsta væri flott að fá vitneskju um nafn hans, Þá er það Tommi,(Tómas Geirsson) pabbi Geirrúnar mömmu Steingríms Jó og þeirra bræðra og Reynir Másson á Tanganum að ég best veit. Hafði samband í dag við Mugg frænda og fékk upplýsingar um manninn á milli Siffa og Tomma en það ku vera Ólafur A Sigurðsson, Gunnarssonar Ólafssonar athafnamanns í Vestmannaeyjum á fyrrihluta síðustu aldar.
Á þessari mynd frá vinstri talið. Sigfús í dyragættinni, Lalli fyrir miðju en sá með sólgleraugun er skv. áletrun aftan á myndinni einhver "Runi". Flott væri að vita eitthvað meira. Skv. Mugg er þetta Jón Runólfsson frá Bræðratungu. Jón Átti heima í mjög fallegu og sérstöku húsi við Heimagötu beint á móti húsi nr. 24 þar sem starfsemi AA er núna til húsa. Því miður fór þetta hús undir hraun og eyðilagðist. Jón starfaði sem verkstjóri í áhaldahúsinu fram að gosi. Jón er m.a. bróðir Harðar Run og pabbi Ingu hans Friðfinns í (EX) Eyjabúð.
Þá er það mynd af myndasmiðnum sjálfum , Alfreð Óskari Alfreðssyni með pensilinn á lofti.
Ónefndur heimalningur, Siffi með pelann og Lalli í dyragættinni.
Texti og innsetning mynda Halli Geir.
|
|
| | << Byrja < Fyrri 1 2 3 4 5 6 7 Næsta > Síðasta >>
| | Niðurstöður 1 - 13 af 86 |
|
